Powered by Blogger.

Sunday 23 November 2014

हिंदी प्रश्नपत्र शृंखला - आसरा २०१४

ഹിന്ദി ബ്ലോഗ് തിരിച്ചുവരുന്നു. തിരിച്ചു വരാന്‍ ഹിന്ദി ബ്ലോഗിന് എന്താണ് സംഭവിച്ചത്? ധാരാളം പേര്‍ ഈ ചോദ്യം ഞങ്ങളോട് ചോദിച്ചു കൊണ്ടിരിക്കുന്നു. വാസ്തവം പറഞ്ഞാല്‍ ഞങ്ങള്‍ക്കും എന്താണ് സംഭവിച്ചതെന്ന് വ്യക്തമായിട്ടില്ല. ചില പ്രശ്നങ്ങള്‍ ബ്ലോഗില്‍ കണ്ടുതുടങ്ങിയപ്പോള്‍ത്തന്നെ പരിഹാരമാര്‍ഗ്ഗങ്ങള്‍ അന്വേഷിക്കാന്‍ തുടങ്ങിയിരുന്നു. ബ്ലോഗ് അഡ്മിന്‍മാരില്‍ ആരെങ്കിലും പുതിയ ഗാഡ്ജറ്റുകള്‍ ചേര്‍ക്കാന്‍ ശ്രമിച്ചിട്ടുണ്ടാകാമെന്നാണ് ആദ്യം കരുതിയത്. എല്ലാ അഡ്മിന്‍മാരും പരസ്പരം ബന്ധപ്പെട്ട് ആശയവിനിമയം നടത്തിക്കഴിഞ്ഞപ്പോള്‍ പ്രശ്നം ഗൗരവമുള്ളതാണെന്ന് തിരച്ചറിവുണ്ടായി. എന്നാല്‍ ഇതിനിടയില്‍ ഒരു അടിസ്ഥാനപാഠം മറന്നതിന്റെ ഫലം ഞങ്ങള്‍ക്ക് കിട്ടി. ബ്ലോഗില്‍ മറ്റാരുടെയോ ഇടപെടലുണ്ടന്ന് തോന്നിയപ്പോള്‍ത്തന്നെ ബ്ലോഗിന്റ പാസ്‌വേഡ് മാറ്റേണ്ടതായിരുന്നു. എന്നാല്‍ വൈകിയുദിച്ച ബുദ്ധി പ്രയോഗിക്കാന്‍ ശ്രമിച്ചപ്പോഴേയ്ക്കും ബ്ലോഗിന്റെ നിയന്ത്രണം ഞങ്ങളുടെ കൈയില്‍ നിന്ന് നഷ്ടപ്പെട്ടിരുന്നു. മാത്സ് ബ്ലോഗിലെ ഹരിമാഷ് സഹായിക്കാന്‍ ശ്രമം നടത്തി നോക്കിയെങ്കിലും ഫലം കണ്ടില്ല. ഇതിനിടയില്‍ ഒരു വിദ്യാബ്ലോഗിന് യോജിക്കാത്ത പരസ്യങ്ങളും ഹിന്ദി ബ്ലോഗില്‍ പ്രത്യക്ഷപ്പെട്ടു തുടങ്ങിയിരുന്നു. നിയന്ത്രണം തിരിച്ചെടുക്കാനുള്ള എല്ലാ വഴികളും പരാജയപ്പെട്ടതോടെ വായനക്കാര്‍ക്കെല്ലാം പ്രസ്തുത ബ്ലോഗ് സന്ദര്‍ശിക്കരുതെന്ന മുന്നറിയിപ്പു കൊടുക്കാനും ബ്ലോഗ് ഉപേക്ഷിക്കുക എന്ന വേദനാജനകമായ തീരുമാനം സ്വീകരിക്കുവാനും പുതിയൊരു ബ്ലോഗ് (http://keralahindiblog.blogspot.in/) തുടങ്ങുവാനും ഞങ്ങള്‍ നിര്‍ബന്ധിതരാവുകയായിരുന്നു. ബ്ലോഗിന്റെ ആപത്കാലഘട്ടത്തില്‍ ഞങ്ങളെ സഹായിക്കാന്‍ മാത്സ് ബ്ലോഗിലെ ഹരിമാഷടക്കം ധാരാളം പേര്‍ മുന്നോട്ടു വന്നിരുന്നു. അവര്‍ക്കെല്ലാം നന്ദി. അറിയിപ്പു സ്വീകരിച്ച് പുതിയ ബ്ലോഗി (http://keralahindiblog.blogspot.in/) ലേക്കെത്തിയ അധ്യാപക-വിദ്യാര്‍ത്ഥി-രക്ഷാകര്‍തൃ സുഹൃത്തുക്കള്‍ക്കും നന്ദി.
     അതേ,ഹിന്ദിബ്ലോഗ്തിരിച്ചുവരുന്നു. ആ വരവ് ഞങ്ങളുടെ എല്ലാ വേദനകളെയും നിരാശയേയും പാടെ മാറ്റിക്കളയുന്നതാകണമെന്നും ഞങ്ങളുടെ ബ്ലോഗിലെ പോസ്റ്റുകളെ ആകാംക്ഷയോടെ കാത്തിരിക്കുന്നവരെ തൃപ്തിപ്പെടുത്തുന്നതാവണമെന്നും ഞങ്ങള്‍ നാല് അഡ്മിന്‍മാരും ( ജി.സോമശേഖരന്‍-കൊട്ടാരക്കര, ജയ്ദീപ്.കെ-വടകര കോഴിക്കോട്, അബ്ദുള്‍ റസാക്ക് -മലപ്പുറം, രവി.കെ-കണ്ണൂര്‍ ) തീരുമാനിച്ചിരുന്നു.തിരക്കേറിയ സമയത്തും സ്വന്തം ശാരീരികാവശതകളെപ്പോലും അവഗണിച്ചാണ് മിക്കവരും ഈ പ്രവര്‍ത്തനത്തില്‍ പങ്കെടുത്തത്.ആ പ്രവര്‍ത്തനത്തിലെ ഉത്പന്നങ്ങള്‍ ഇന്നുമുതല്‍ തുടര്‍ച്ചയായ ദിവസങ്ങളില്‍ നിങ്ങള്‍ക്ക് ലഭ്യാമാകും.हिंदी प्रश्नपत्र शृंखला എന്നാണ് ഇതിന് നല്കിയിരിക്കുന്ന പേര്. അതിന്റ ഫലപ്രാപ്തി നിശ്ചയിക്കേണ്ടത് അവ ഉപയോഗിക്കുന്നവരാണ്.അഭിപ്രായങ്ങളും നിര്‍ദ്ദേശങ്ങളും കഴിയുമെങ്കില്‍ ഉത്തരങ്ങളും(അത്യാഗ്രഹമല്ലെന്ന് വിചാരിക്കുന്നു..) കൂട്ടിച്ചേര്‍ത്ത് ഇവയെ മെച്ചപ്പെടുത്താനും പിന്തുണനല്കാനും അഭ്യര്‍ത്ഥിക്കുന്നു...
      ഇന്ന് പ്രസിദ്ധീകരിക്കുന്നത് പത്താം ക്ലാസ്സിലെ രണ്ടാം ടേം മാതൃകാ ചോദ്യപേപ്പറാണ്. കൊട്ടാരക്കര സദാനന്ദപുരം ഗവ.ഹയര്‍ സെക്കന്ററി സ്കൂളിലെ ഹിന്ദി അധ്യാപകനും ബ്ലോഗ് അഡ്മിനുമായ ശ്രീ.ജി.സോമശേഖരനാണ് ഇത് തയ്യാറാക്കിയിരിക്കുന്നത്.......

21 comments:

  1. ഏരെ നാളത്തെ ആലോചനകള്‍ക്കും പരിശ്രമത്തിനും അന്ത്യം കുറിച്ചു കൊണ്ടാണ് ഹിന്ദി ബ്ലോഗ് സോമശേഖരന്‍ മാഷിന്റെ ചോദ്യപേപ്പറുമമായി കടന്നു വന്നിരിക്കുന്നത്. ബ്ലോഗിന്റെ നിയന്ത്രണ പ്രശ്നവും മറ്റും വല്ലാതെ പ്രയാസപ്പെടുത്തിയപ്പോഴും വിദ്യാര്‍ത്ഥികളും നല്ലൊരു വിഭാഗം അധ്യാപകരും ഹിന്ദി ബ്ലോഗിനെ അംഗീകരിക്കുകയും സ്നേഹിക്കുകയും ചെയ്യുന്നു എന്ന തിരിച്ചറിവ് ഞങ്ങള്‍ക്ക് വഴി കാട്ടിയാവുകയാണ്.
    ഈ പോസ്റ്റിന്റെ തുടര്‍ച്ചയെന്നോണം ചോദ്യപേപ്പറുകള്‍ തയ്യാറാക്കി തന്ന പത്തോളം അധ്യാപകരുടെ ഉല്‍പന്നങ്ങള്‍ കൂടി പ്രസിദ്ധീകരിക്കുന്നതാണ്. മാന്യ വായനക്കാരുടെ പ്രതികരണങ്ങള്‍ കമന്റിലൂടെ പ്രതീക്ഷിക്കുന്നു.

    ReplyDelete
  2. സര്‍,
    ഈ ബ്ലോഗിനു പിന്നില്‍ പ്രവര്‍ത്തിക്കുന്ന അധ്യാപകരുടെ അധ്വാനം വിലമതിക്കാനാവാത്തതാണ്. അത് തീര്‍ച്ചയായും തിരിച്ചറിയപ്പെടുകയും അംഗീകരിക്കപ്പെടുകയും വേണം.

    ReplyDelete
  3. മാഷേ
    ചോദ്യപേപ്പര്‍ കണ്ടു,നന്നായിരിക്കുന്നു.അഭിനന്ദനങ്ങള്‍...!!
    ഹിന്ദി ബ്ലോഗിന് എല്ലാ പിന്തുണയും പ്രഖ്യാപിക്കുന്നു...

    ReplyDelete
  4. അനുമോദനങ്ങള്‍!!
    കൂടുതല്‍ ചോദ്യപേപ്പറുകള്‍ക്കായി കാത്തിരിക്കുന്നു.
    ഞങ്ങള്‍ ഹിന്ദി അധ്യാപകര്‍ എന്നും ബ്ലോഗിനൊപ്പമുണ്ടാകും

    ReplyDelete
  5. ഹിന്ദി ബ്ലോഗിന്റെ പിന്നില്‍ പ്രവര്‍ത്തിക്കുന്ന എല്ലാ അധ്യാപകരും എനിക്ക് നേരിട്ട് അറിയുന്നവരാണ്. ദിവസവും 70കിലോമീറ്ററിനു മുകളില്‍ യാത്ര ചെയ്ത് സ്കൂളിലെ ജോലി കഴിഞ്ഞെത്തുന്ന അധ്യാപകന്‍ എങ്ങനെ ഈ ബ്ലോഗ് അപ്ഡേറ്റ് ചെയ്യാന്‍ സമയം കണ്ടെത്തുന്നു എന്നാലോചിച്ച് ഞാന്‍ അത്ഭുതപ്പെട്ടിട്ടുണ്ട്.പ്രത്യേകിച്ചും സ്കൂളിന്റ മതിലിനപ്പുറം താമസിക്കുന്ന അധ്യാപകന്‍ ബ്ലോഗൊന്ന് നോക്കാന്‍ പോലുംസമയമില്ലെന്ന് പറയുന്നത് കേള്‍ക്കുമ്പോള്‍..പോസ്റ്റുകള്‍ നഷ്ടപ്പെട്ട് ദൂരദിക്കുകളായാലും പോസ്റ്റിംഗ് കിട്ടിയാല്‍ മതി എന്ന് വിലപിക്കുന്ന അധ്യാപകര്‍ ഇപ്പോള്‍ ആവേശത്തോടെ ഹിന്ദി അധ്യാപക കൂട്ടായ്മകള്‍ ഉണ്ടാക്കാനാരംഭിച്ചിരിക്കുന്നു.സ്വയം മെച്ചപ്പടാന്‍ സഹായിക്കുന്ന ഹിന്ദി ബ്ലോഗ് പോലെയുള്ള സംരംഭങ്ങളെയും തിരിച്ചറിയുവാന്‍ അധ്യാപക സുഹൃത്തുക്കളോട് അഭ്യര്‍ത്ഥിക്കുന്നു...
    എന്നും ഹിന്ദി ബ്ലോഗിനൊപ്പമുണ്ടാകും എന്നറിയിക്കുന്നു.

    ReplyDelete
    Replies
    1. जी
      क्या कहूँ....
      धन्यवाद....

      Delete
  6. MY SPECIAL GRATITUDE TO HINDI BLOG

    ReplyDelete
    Replies
    1. राजेशजी
      धन्यवाद....

      Delete
  7. നല്ല ചോദ്യപേപ്പര്‍ മാതൃകകളും, അതുസംബന്ധിച്ച ചര്‍ച്ചകളും, കമന്റുകളും, ക്രിയാത്മക നിര്‍ദ്ദേശങ്ങളും, ആരോഗ്യകരമായ വിമര്‍ശനങ്ങളും കൊണ്ട് ബ്ലോഗിന്റെ പ്രവര്‍ത്തനത്തില്‍ അധ്യാപക സുഹൃത്തുക്കളും, പ്രിയപ്പെട്ട വിദ്യാര്‍ത്ഥികളും, രക്ഷികാക്കളും എല്ലാം പങ്കെടുക്കുന്ന നല്ല ദിനങ്ങള്‍ പ്രതീക്ഷിച്ചുകൊള്ളുന്നു. രവി.

    ReplyDelete
    Replies
    1. अच्छे दिन ज़रूर आएँगे....

      Delete
  8. ALL THE BEST . WE ARE ALWAYS WITH YOU

    ReplyDelete
    Replies
    1. Dear Hindiblog thanks a lot,
      Pls don't forget STD 8 & 9.
      8th STD 40marks or 50 marks?
      Pls inform that information also.

      Delete
    2. 8th STD 40marks or 50 marks?
      ഇതിന്റെ ഉത്തരം പറയാന്‍ ദൈവത്തിനും ഇപ്പോള്‍ ചോദ്യം തയ്യാറാക്കുന്നവര്‍ക്കും മാത്രമേ അറിയൂ..ഒരേ സമയം വിവിധ ജില്ലകളില്‍ ഒരേ ചോദ്യപേപ്പര്‍ 40 marks നും 50 marks നും തന്ന് നമ്മളെ അത്ഭുതപ്പെടുത്തിയിട്ടുണ്ട്..മുതുകാടിന്റെ മാജിക് പ്ലാനറ്റുപോലും ഇതിന്റെ മുന്നില്‍ ഒന്നുമല്ല
      (ആരെങ്കിലും ഈ ചോദ്യത്തിന്റെ ഉത്തരം കമന്റിലൂടെ നമുക്ക് നല്കിയേക്കാം...)

      Delete
    3. പ്രിയ സുഹൃത്തേ
      നന്ദി....

      Delete
  9. Dear Hindiblog thanks a lot,
    Pls don't forget STD 8 & 9.
    8th STD 40marks or 50 marks?
    Pls inform that information also.

    ReplyDelete
    Replies
    1. നന്ദി ടീച്ചര്‍
      STD 8 & 9 പിന്നാലെ എത്തുന്നുണ്ട്. ചോദ്യങ്ങള്‍ ടൈപ്പിംഗ്-എഡിറ്റിംഗ് തലത്തിലാണ്.

      Delete
  10. സര്‍
    എല്ലാ പിന്തുണയും....

    ReplyDelete

© hindiblogg-a community for hindi teachers
  

TopBottom